7 dhjetor 2020
Disa raste të vetëvrasjeve në spitalet tona gjatë pandemisë së COVID-19 kanë ngjallur një debat në opinionin publik, komente të shumta në rrjetet sociale dhe në komunitetin e gazetarëve. Raportimi i vetëvrasjeve ka qenë dhe mbetet një temë e ndjeshme për median në të gjithë botën, për shkak të ndjeshmerisë së temës dhe implikimeve etike që permban.
Shoqata Ndërkombëtare për Paradalimin e Vetëvrasjeve ka pergatitur disa udhëzime dhe rekomandime që Instituti i Medias i ka përshtatur për gazetaret shqiptare, që janë perfshirë aktivisht në raportimin e pandemisë.
• Raportimi për një vetëvrasje specifike: Kur ndodh një vetëvrasje është e rëndësishme për median të përcaktojë nëse duhet raportuar për të, pra a ka vlerë ky lajm?
o Këshillë: Merrni në konsideratë vlerën gazetareske të raportimit për vetëvrasjen dhe impaktin mbi audiencën. A do të edukojë, informojë, ofrojë qartësi mbi çështjen, do të ndihmojë të parandaloje vetëvrasje të tjera, etj.?
o Këshillë: Nëse raportoni për vetëvrasjen, sigurohuni që lajmi është i saktë, i drejtë, pozitiv ndaj trajtimit, pozitiv ndaj linjave të urgjencës, pa fajësuar dhe duke bërë të qartë që në shumicën e rasteve vetëvrasja mund të parandalohet me kujdesin e duhur.
o Këshillë: Nëse nuk ka prova direkte që mbështesin një lidhje të drejtpërdrejtë mes vetëvrasjes specifike dhe pandemisë, përfshini informacionin e gjetur si dhe cdo informacion tjetër në investigimin për vetëvrasjen.
o Këshillë: Bëni kujdes kur përfshini deklarata të të mbijetuarve të tronditur që kanë pretendime për shkakun e vetëvrasjes, veçanërisht nëse besojnë që ndodhi vetëm prej pandemisë.
