Një raport i ri nga Qendra për Luftimin e Urrejtjes Dixhitale në SHBA ka kritikuar fort kompanitë e mediave sociale për lejimin që lëvizja anti-vaksinë të vazhdoje te qendroje në platformat e tyre. Autorët e raportit vunë në dukje se llogaritë e mediave sociale të të ashtuquajturve anti-vaxxers kanë rritur ndjekësit e tyre me të paktën 7 – 8 milion njerëz që nga 2019. “Vendimi për të vazhduar me lejimin e përmbajtjeve dhe aktorëve të njohur cinformues i la anti-vaxxers në internet të gatshëm të shfrytëzonin mundësitë e paraqitura nga koronavirusi,” thuhej në raport. Qendra paralajmëroi se lëvizja në rritje anti-vaksinë mund të minojë shpërndarjen e çdo vaksine kundër COVID-19 në të ardhmen. Raporti nënvizoi se 31 milion njerëz ndjekin grupet anti-vaksina në Facebook, ndërsa 17 milion njerëz abonohen në llogari të ngjashme në YouTube.
Qëndrimet e publikut ndaj vaksinimit mund të ndahen në tri kategori. Së pari, ka njerëz që janë bindur për dobitë e vaksinimit. Në Mbretërinë e Bashkuar dhe në SHBA, ky grup përbën diku midis 70% dhe 90% të popullsisë. Së dyti, janë anti-vaxxers dogmatikë. Këta janë njerëz në skaje. Ata nuk do t’i ndryshojnë pikëpamjet e tyre, edhe në mes të pandemisë. Midis dy grupeve qëndron një i tretë që përbëhet nga njerëz që janë të pavendosur. ” Këta njerëz kanë pyetje legjitime,” thotë një ekspert i njohur i komunikimit. “Ata duan të bëjnë gjënë e duhur, por kanë dyshime. Këtu duhet të përqendrojmë vëmendjen tonë.”
Lëvizja kundër vaksinave duket sikur tashmë e ka kuptuar këtë. Një shkrim i botuar në Nature më herët këtë vit analizoi pikëpamjet që qarkullojnë në internet për vaksinimin . Autorët arritën në përfundimin se “megjithëse janë pak në numrin e përgjithshëm, grupet anti-vaksinuese arrijnë të përziehen fort me grupet e pavendosura në në Internet, ndërkohë që grupet grupet pro-vaksinimit qëndrojnë më në periferi”. Ata paralajmëruan se në një dekadë lëvizja kundër vaksinimit mund të tejkalojë zërat pro-vaksinimit në internet. Nëse kjo do të ndodhte, pasojat do të shtriheshin përtej COVID-19.
